He kaupapa te Taumata Okioki e whai ana i nga tikanga o Te Mangai Paho, kia nui ake nga wa e korero ana i te Reo Maori hei roto i nga kupu me nga waiata i a rangi o te wiki mahi.  Otira ko taku e whakamarama ana i nga waiata me ana kupu e korero ana i nga ahuatanga a o tatau tipuna o mua mai, o nehera, i roto i o ratau whakanekeneke ki te whakaparahako i tetahi tangata naana tetahi tukinotanga ki a ratau.
 

	Ka korero ahau ki a Te Ururoa Flavell me ana mahi torangapu o te Roopu Torangapu Maori e piri tahi ana i a Nahinara hei whakaroopu i te Kawanatanga tera ka whakaputa i nga ata Ratu.
	Ko te roanga o te wiki he whakatangitangi i nga waiata tawhito me nga waiata hou, hei whakangahau i te hunga whakarongo mena ka piri mai ki Te Reo Irirangi o te Manuka Tutahi i nga pito o te wa e watea ana ratau i o ratau mahinga kainga, mahinga whakakiko ranei.

Hei roto i te Taumata Okioki ko te aheitanga o te tangata ahakoa kohea e noho ana i te ao, ki te whakaako i te reo Maori me te whakarongo i nga kupu e taa ana i nga ngutu noku otira nga tangata e waiata ana, e korero ana i nga take e hangai ana te iwi Maori.